On Valentine's evening, Poet in me has kicked in few beautiful lines !!! E njoy the feeling ... 😍 Jo mera nasha main kahu tumko, toh nasha utar bhi jaata hai ! Nashe mein dhut jo ho yaha, usska thikana bhala kya hota hai !! Jo mera junoon sochu tumhe, woh bhi toh pagalpan hai ! Junoon mein kabhi insaan, bhatak bhi toh jaata hai !! Meri fariyaad jo kahu tumko, toh har koi maangata hai ! Fariyaad toh woh bhi hai, jo adhura reh jaata hai !! Mera imaan jo kahu tumhe, woh kaha tikta hai ! Imaan ka wajood hi toh niyat hai, imaan bhi toh bigad jaata hai !! Meri zid Jo samjhu tumhe, woh bhi toh Aham hota hai ! Zid puri hokar bhi adhuri hoti hai, Aham bhi ek din toot jaata hai !! Lafz nahin hai ke bayaan karu tumhare wazood ko meri zindagi mein, Bina maange jo inaayat ho uska sazda kiya jaata hai ! Sar - Aankho se kabool hai jis khuda ki bandagi mujhe, Usski haqqiqat par kaha shaq kiya jaata hai !!
Every experience brings out a new in you. Which new you want to be is your choice.